Monday, 22 January 2018

ಜನಪದ ಗೀತೆ

        "ಚಲ್ವಿ ಚಲ್ವಿ ಎಂದು"
ಚಲ್ವಿ ಚಲ್ವಿ ಎಂದು ಅತಿ ಆಸೆ ಪಡಬ್ಯಾಡ!!
ಚಲ್ವಿದ್ದರೇನು ಗುಣವಿಲ್ಲ !!ಚಲ್ವಿದ್ದರೇನು!
ಗುಣವಿಲ್ಲಾ  ಹೊಳೆ ನೀರು‌ ತಿಳಿ‌ಯಿದ್ದರೇನು ರುಚಿಯಿಲ್ಲ.  !! ಚಲ್ವಿ ಚಲ್ವಿ ಎಂದು!!

ಕೆಂಪು ಹೆಂಡತಿ ಎಂದು ಸಂತೋಷ ಪಡಬ್ಯಾಡ !!
ಹತ್ತೀಯಾ ಹಣ್ಣು ಬಲು ಕೆಂಪು!! ಹತ್ತೀಯ‌ ಹಣ್ಣು!
ಬಲು ಕೆಂಪು ಇದ್ದರೂ ಹೊಡೆದು ನೋಡಿದರ ಹುಳು ಬಹಳ.                            !! ಚಲ್ವಿ ಚಲ್ವಿ‌ಎಂದು !!೧

ಕಪ್ಪು ಹೆಂಡತಿ ಎಂದು ಕಳವಳ ಪಡಬ್ಯಾಡ !!
ನೇರಾಳೆ ಹಣ್ಣು ಬಲು ಕಪ್ಪು!! ನೇರಾಳೆ ಹಣ್ಣು ಬಲು ಕಪ್ಪು !!ಇದ್ದರೂ ತಿಂದು ನೋಡಿದರಾ ರುಚಿ ಬಹಳ! 

ಬಂಗಾರ ಬಳೆ ತೊಟ್ಟು ಬಡವಾರ ಬೈಬ್ಯಾಡ!!
ಬಂಗಾರ ನಿನಗೆ ಸ್ಥಿರವಲ್ಲ!!ಬಂಗಾರ ನಿನಗೆ ಸ್ಥಿರವಲ್ಲ!
ಮಧ್ಯಾನ್ಹ ಸಂಜೆಯಾಗುವು ತಡವಲ್ಲ!! ಚಲ್ಲಿ ಚಲ್ಲಿ !!

                          -------   ಮುದ್ದುರಾಮ

No comments:

Post a Comment

ಗಂಗೆ ತಟದಲಿ